بــسم الله الرحمـــن الرحيـــم
كلنا عارفين الأزمة اللي بيمر بيها العالم كله والوباء المنتشر فيروس كورونا وفي عز الأزمه دي اللي إن شاء الله هتمر وربنا يرفع عنا البلاء بتظهر ايجابيات بتبث الأمل في قلوبنا كلنا :
-- انخفاض التــلوث بشكل عام
مع تصرف الدول وإغلاق ع نفسها ومنع دخول وخروج اي مواطن بسبب فيروس كورونا حصل تراجع في مستوى التلوث وسجلت دول كتير زي الصين وايطاليا نسبة انخفاض في غاز ثاني أكسيد النيتروجين وده ملوث هواء خطير ومسبب لإرتفاع درجة الحرارة مع معدل انخفاض رحلات السيارات والأنشطة الصناعية والغاء شركات الطيران على مستوي العالم كله الرحلات والزام العاملين الي العمل من المنزل ده بيخلي بشكل كبير مستوى انخفاض التلوث كبير في دول اخرى حول العالم.
-- القنوات المائية نظيفة
المياه اللي كانت عكره اغلب الوقت بسبب فيروس كورونا اصبحت واضحه ويمكنك رؤية الأسماك فيها وده بسبب ان الشوارع خلاص بقت خاليه من الناس وسط تفشي فيروس كورونا وده خلى حركة المياه منخفضة جدا وأدى الى استقرار الرواسب وبكده اصبحت القنوات المائية نظيفة.
-- أعمال خير
فيروس كورونا قام بتحفيز اعمال خير لدى الناس وحملات توعيه زي تحدي الخير والناس تساعد بعضها سواء ماديا أو معنويا بعيد عن ان الناس بتتخانق او بتجري على شراء سلع كتير وبتتخانق عليها.
-- إيد واحدة
رغم ان الفيروس اجبر الناس على العزله والالتزام بمنازلهم فده خلى مجتمعات كتير حول العالم اكتر قرب من بعضهم على سبيل المثال إيطاليا يسري فيها اغلاق كامل وحظر تجوال الا ان ده ممنعش الناس من انها تفرح ووقفوا كلهم من بلكونات وغنوا عشان يرفعوا من روحهم المعنوية وطبعا ده غير ان فيروس كورونا سلط الضوء على العاملين في القطاع الصحي وقد ايه مهمين للعالم وازاي العالم كله بيضربلهم تعظيم سلام ويحيون الأطباء والممرضات الذين يحاربون فيروس كورونا.
ليست هناك تعليقات:
إرسال تعليق